Рапид Билд, како дел од изведувачкиот конзорциум со AK Invest, работи на изведбата на главниот довод за наводнување од системот „Равен-Речица" — значаен водостопански проект за наводнување на земјоделските површини во регионот.
Проектот опфаќа полагање на челични цевки со дијаметри од Ø711 mm до Ø1320 mm, со вкупна должина од 27 километри — со заварување, изолација, спуштање во ров и рекултивација на трасата, изведени со тешка механизација.
Инвеститор е Владата на Република Македонија преку Министерството за земјоделство, шумарство и водостопанство. Проектант е Универзитетот „Св. Кирил и Методиј" во Скопје, а надзорот го врши EOS Consulting. Одобрението за градба е издадено под број 27 Уп.258/2018 Е од 16.07.2018 година.
